Rakhe ka Meghalaya ia ka World Heart Day

September 29, 2021 0 By Lurphira Lurphira

Shillong September 29,2021(LP):Ka Meghalaya ryngkat shi tyllup ka pyrthei, mynta ka sngi, ka la rakhe ia ka World Heart Day. Man la ka snem, ka 29 tarik u Nailur, ym tang ha Meghalaya, hynrei, shi-tyllup ka pyrthei, ka rakhe ia ka World Heart Day. Ka jingthmu jong kane ka sngi ka long ban pynshai paidbah halor ka jingdonkam ban pynlong ia u klongsnam uba shait bakhlain bad uba lait na ki jingpang. Ha kane ka sngi, la pynsngew ruh, ba ki briew ki dei ban sngewthuh ba ka jingdon jong u klongsnam uba shait bakhlain, ka iarap ban pyllait ia kin kiba bun ki jingpang klong snam bad jingktah ia ki thied. Kat kum ka World Health Organisation haduh 17 million ki briew ki iap na ki jingpang klong snam. Ban pynlong ia kane ka sngi ba don jingmut, ka tnad ka koit ka khia jong ka Meghalaya, ki la pynlong ia ki prokram bapher bapher mynta ka sngi. Ki seng trei mon sngewbha ruh ki la pynlong ia ki prokram pynshai paidbah halor ka phang kumno ba dei ban pynlong ia klong snam uba shait bakhlain