Pynlong ka Meghalaya AIDS Control Society ryngkat bad ka State Lisensed Blood Centre ia ka State Level National Voluntary Blood Donation Day ha Shillong.

October 1, 2021 0 By Lurphira Lurphira

Shillong October1,  2021(MMP): Ka Meghalaya ryngkat shi-tyllup ka pyrthei mynta ka sngi ka la rakhe ia ka sngi ai snam sngewbha, ia kaba la tip kum ka National Voluntary Blood Donation Day. Ha kaba ia dei bad kane, ka Meghalaya AIDS Control Society ryngkat bad ka jingiatrei lang bad ka State Lisensed Blood Centre ki la pynlong ia ka State Level National Voluntary Blood Donation Day ha Cilia Hall, Don Bosco Youth Centre, Laitumkhrah, Shillong.

Haba kren ha kane ka sngi, u Principal Secretary jong ka tnad ka koit ka khiah ka Sorkar Meghalaya, u Sampat Kumar u la kyntu ia ki nongshong jong ka Meghalaya ba kin long kiba kloi ban ai sngewbha ia ka snam jong ki ia kito kiba donkam khlem jingshim pisa. U la iathuh ba ka jylla Meghalaya ka dang donkam shibun ki briew ki ban ai sngew bha ia ka snam jong ki ban pynbiang ia kata ka jingdon snam ia kito kiba donkam.

I Dr. C. Budnah, iba long I Member Secretary jong ka State Transfusion Council, ila batai kyllum shaphang ka jingbujli ia ki nongpang ha Meghalaya. I Dr. R. Momin iba long i State Coordination Officer jong ka State Blood Cell, National Health Mission, iba batai shaphang ka jingdonkam ban ai snam sngewbha.