KHLEM   POI  PYRKHAT

May 13, 2020 0 By Lurphira Lurphira

KHLEM   POI  PYRKHAT

DA I Kong P. Phanbuh

Thlup ka   tied  ha khlieh pyrkhat bynriew,

Da jinglyngngoh ha jingim ka ngam jylliew,

Ia pha da kyrteng batai ym sngew kwah ai ,

Namar  mynsiem jong baroh dap da jingshrai.

La kum diengiei ia jingim thmu ban dum tlip.

Hangne keiñ khasi  u ong “u bnai ka sngi la lip’

Shano ki phet,? aiu kan jia? Mano ban  wad?

Dei hangne ngin sa iohi ia bor U Trai Kynrad.

Ia baroh jingim ha sla pyrthei U buh ban sah,

Sa shisien ha tyndong skhor, I phreit in sa pah,

Un sei ma U,  ia riewstad shemphang ban wad

Ia ka diengiei ban pynkhlem,u bynriew plie lad.

Mano ban  poi pyrkhat  kti kin rah jingpang palat

Dei mapha  pyni ia kine,kiba shim bor thait thrait’

Ju mutdur ba kine ki bynta ba jaboh tam ha ka met’

Jingkyntu  barabor , sabon  pyndonkam haba thet’

Kyrdan baa r poi sha bynta ka dur  iohi ha pyrthei,

Lyngba shyntur kren,bam  shapoh ka met , lynti pei

Kane ruh da jain hap tap,kaei mo jingmut  kaba wan’

Khang  ka kyntien yn  ym pyndonkam klumar than.

Balei pat ka khmut ha jingleh hap kynthup lang ?.

Jingring mynsiem  u briew ha pyrthei  na ka sdang

Kane hap tap namar ia jinglong briew ka pyniapher

Ka jingia jan para briew da  jingleh  ka pynshong per

Ia khmat pat da iït hap ban kad kum ba lah ong.

Wat peit sha bym dei ban ia tuklar lane byrtong,

Peit bniah tang kaba dei ban leh haba ai jingiarap,

Kawei kynmaw  dur jongphi  da jingkad ka la dap.

Para briew hap jngai da jingthew ruh ki da buh.

Balei  mo?  ai kti bad  kdup dei mo ban kan duh?.

Imat dei tang ka pyni  burom ia para bynriew ne,

Ha mynsiem pun ba leh tang namar bym banse.

Sa kawei hangne hap ban ong ,wat sngewei ei.

Ki  bynriew ba phah kad ia khmat jong ki kynthei.

Kumno mynta rangbah ki sngew ha ba ki hap leh.

Kyrmen pyrkhing nadien nangne kan yn ym neh.

Ha kine ki por  jingieit iïng baroh ka palat shisha,

Pyn shitom iaid da kjat ban poi   iïng khlem salia

Hangne keiñ   jaka kyntang tam, dei iïng la jong.

,Ka  nguh ka dem Blei dei ha la  jong ka tyngkong.

Jinghikai pha ai ia bynriew   da ka jingpyn tieng shisha.

Mano bym tieng tang  tyngkhuh bad pha,jingim la ma.

Jingiap ha tmier  khamtam lada duna ka bor  met briew ,

,Sha ba sep ka sngi,u bnai,“Phet ko khlam  sngewngiew”.

Khaduh iawai ko iïng,ko shnong  long bynriew ka sdang,

Sur ba thiang ha  jingwrai  ieit ia pha bun ki pynsaphriang,

Ko lok jingialap ieit ia kiwei mynta hap ban pyrkhat sani .

Namar ha mynsiem  tip ym don ba kordor,kat la jong hi.